Tembang Macapat

UNGGAH-UNGGUH BASA

 A.  Kompetensi Inti

1.  Pengetahuan

Memahami, menerapkan, menganalisis pengetahuan faktual, konseptual, prosedural berdasarkan rasa ingintahunya tentang ilmu pengetahuan, teknologi, seni, budaya, dan humaniora dengan wawasan kemanusiaan, kebangsaan, kenegaraan, dan peradaban terkait penyebab fenomena dan kejadian, serta menerapkan pengetahuan prosedural pada bidang kajian yang spesifik sesuai dengan bakat dan minatnya untuk memecahkan masalah.

2.  Keterampilan

Mengolah, menalar, dan menyaji dalam ranah konkret dan ranah abstrak terkait dengan pengembangan dari yang dipelajarinya di sekolah secara mandiri, dan mampu menggunakan metoda sesuai kaidah keilmuan.Kompetensi Dasar *)

B.  Kompetensi Dasar *)

1.  KD pada KI pengetahuan

3.2.          Memahami simulasi berbahasa Jawa dalam keluarga, sekolah, dan masyarakat dengan unggah-ungguh yang tepat

2.  KD pada KI keterampilan

4.1.          Simulasi berbahasa Jawa dalam keluarga, sekolah, dan masyarakat dengan unggah-ungguh yang tepat.

1.  Pangertosan Unggah-Ungguh Basa

Unggah-ungguh basa menika pranatan basa miturut lenggahing tata krama utawi sopan santun. Tegesipun sinten kemawon tiyang ingkang kawastanan mangertos unggah-ungguh basa, menawi nalikanipun gineman utawi srawung dhateng tiyang sanes basanipun kedah dipun arah-arah, netepi pranataning subasita, paugeran sopan santun, satemah tiyang wau tansah dipuntampi, dipunremeni ing pasrawungan sarta tebih saking panyendu.

Tiyang ingkang mangertos ing unggah-ungguh saged mapanaken dhiri-pribadhinipun saleres-leresipun sarta tansah caos kurmat dhateng tiyang sanes.

Supados satunggalipun tiyang menika anggenipun gineman/ micara saged selaras kaliyan unggah-ungguh basa ingkang trep, pramila kedah nggatosaken SAD GUNA WICARA:

1.            Sinten ingkang gineman (ngrumaosi pribadinipun ingkang gineman) saha sinten ingkang dipunajak gineman.

2.            Basanipun ingkang dipunajak gineman.

3.            Menapa ingkang dipunginemaken.

4.            Wekdalipun nalika gineman.

5.            Papanipun rikala gineman.

6.            Swasana rikala gineman.

Ing jaman rumiyin, unggah-ungguhipun basa kapilah ing antawisipun kados ing ngandhap menika:

a.    Basa ngoko

Basa ngoko kaliah malih dados basa ngoko lugu saha ngoko andhap. Wondene basa ngoko andhap menika kapilah malih dados basa antya basa saha basa antya

b.    Basa madya

Basa madya menika kaperang malih dados tiga, inggih menika madya ngoko, madya krama, saha madyantara.

c.    Basa krama

Basa krama menika kaperang malih dados basa madhakrama, kramantara, wredhakrama, krama inggil saha krama desa.

d.    Basa bagongan saha basa kedhaton

Ing wekdal samenika tata unggah ungguhipun basa menika sampun langkung karingkes malih, namung kaperang dados kalih. Inggih menika basa ngoko saha basa krama. Basa ngoko kaperang dados basa ngoko lugu saha ngoko alus. Wondene basa krama ugi kaperang dados basa krama lugu saha krama alus.

I.             Basa Ngoko Lugu

Basa ngoko lugu menika biasanipun dipunginakaken:

a.    Tiyang sepuh marang putra, wayah, menapa dene dhumateng tiyang anem sanesipun.

b.    Dhumateng sasaminipun, kanca sepantaran. Tuladhanipun pachelathon antawisipun lare kaliyan kancanipun.

c.    Pangageng dhateng tiyang sangandhapipun, tuladhanipun juragan dhateng baturipun.

d.    Panguda raos ( gineman kaliyan pribadinipun piyambak)

Tuladhanipun basa ngoko lugu:

Sinta: “Nda, aku mbok nyilih buku cathetan pelajaran fisikamu. Cathetanku kurang lengkape.”

Dinda:” Kok isa kurang lengkap? Mesthi wingi oran nggatekke.”

II.           Basa Ngoko Alus

Basa ngoko alus menika biasanipun dipunginakaken dening tiyang ingkang sampun supeket utawi akrab ananging taksih gadhah raos ngurmati dhumateng ingkang dipunajak gineman menika. umpaminipun pachelathon ing antawisipun kanca nyambut damel ing kantor, sasaminipun kanca sekolah, sesaminipun kanca organisasi, lsp.

Tuladhanipun basa ngoko alus:

Gineman antawisipun kanca kantor:

Pak Danu: “Pak Budi, nuwun sewu. Njenengan mau wis dhahar apa durung?”

Pak Budi: “Aku ta? Aku Durung mangan. Apa njenengan arep njajakke aku neng warung?”

III.         Basa Krama Lugu

Basa krama lugu menika biasanipun dipunginakaken:

1.    Dhumateng sasaminipun kanca nanging derengsupeket (akrab)

2.    Tiyang sepuh dhumateng tiyang ingkang langkung enem ananging ingkang anem menika wau wajib kinurmatan.

3.    Tiyang ingkang gadhah kalenggahan (drajat/ pangkat) inggih dhateng andhahanipun, ananging andhahanipun menika yuswanipun langkung sepuh utawi wajib kinurmatan.

4.    Tiyang ingkang gineman menika priyayi luhur, wondene ingkang dipunajak gineman menika tiyang limrah ingkang sampun sepuh yuswanipun utawi wajib kinurmatan.

Tuladhanipun basa krama lugu:

Ginemanipun pak dhukuh dhumateng para pemuda ing satunggalipun parepatan karangtaruna.

“Adhik-adhik sedaya para kadang pemudha Dhusun Makmur, kula ing mriki ngaturaken panuwun dhumateng sampeyan sedaya awit sampun purun kempal sesarengan wonten ing kalodhangan menika.”

IV.          Basa Krama Alus

Basa krama alus menika biasanipun dipunginakaken:

1.            Tiyang ingkang gineman menika dereng tepang kaliyan ingkang dipunajak gineman, wondene ingkang dipunajak gineman menika ketingal langkung sepuh tinimbang piyambakipun utawi kagungan pangkat ingkang inggil.

2.            Tiyang ingkang ngajak gineman menika langkung enem yuswanipuntinimbang ingkang dipunajak gineman, satemah ingkang dipunajak gineman menika wajib kinurmatan.

3.            Tiyang ingkang gineman menika langkung andhap drajat pangkatipun tinimbang ingkang dipunajak gineman, utawi ingkang dipunajak gineman menika wajib kinurmatan.

Tuladha panganggenipun basa krama inggil:

Gineman antawisipun wayah (putu) dhateng eyangipun:

Nandar: “Simbah sampun dhahar menapa dereng, Mbah?”

Simbah: “Uwis, aku mau wis mangan. Kowe wis mangan durung, le?”

Nandar: “ Sampun ugi kok, Mbah.”